郭羨妮（Sonija）與陶大宇都有多年拍咀戲的經驗，原本再拍此類鏡頭應可駕輕就熟，但因大宇及導演開Sonija玩笑，都說大把男人爭住要跟她咀嘴，令伊人緊張得硬晒軚。
Sonija日前與大宇為《學警出更》拍咀戲，大宇事前十分憐香惜玉，知道Sonija最怕吸煙的男人，故戒足一晚煙，而導演亦識做地帶定香口片。初時Sonija表現輕鬆，尤其跟大宇合作溝通良好，她坦言：「依家單身，拍咀戲冇晒包袱。」
不過，正式「埋牙」時，Sonija就有些尷尬，因導演說笑謂很多男士都想咀Sonija，而大宇則奸笑說：「我會將嗰種感覺收起，不過返到屋企至攞番出嚟回味。」
大讚演技好
事後問到大宇可會向太太備案？他說：「工作嘅嘢佢明白嘅。」之後大宇又大讚Sonija有潛質：「之前有場戲我向佢求婚，佢可以喺我講短短幾句對白之後，做到感動到喊。佢係聰明嘅，佢得㗎，只不過係暫時遇唔到啲可以畀佢發揮所長嘅角色，如果開正佢嗰瓣，佢一定有得發圍。」
全站熱搜
留言列表
[作品] (5)